दिवस थंडीचे

[Pravin Dongardive]

आगमन होता हिवाळी ऋतूचे
आले दिवस गुलाबी थंडीचे
सकाळच्या रम्य प्रहरी
गारठते गाव शिवार सारे
कडाक्याच्या थंडीत
मज झोंबती गार वारे
थंडीत वाटतो तू भास्करा
मज नेहमी हवा हवा सा
अन उन्हाळ्यात भासतोस तू
मजला रोज नवा-नवा सा
थंडीच्या दिवसात इथे
बगळ्यांची माळ दिसते
भिजणाऱ्या शेतात इथल्या
बगळ्यांची शाळा भरते
थंडीचा ऋतुच असतो वेगळा
असते ओढ स्वतःला जपण्याची
आस लागते लहानग्या जीव
आईच्या कुशीत निजण्याची
अशीच जपावी जगती नाती
माय लेकरांसारखी.
                 प्रविण डोंगरदिवे