॥ श्रम बहोत केले , आता जगण्यात राम नाही ॥

[siddheshwar vilas patankar]

श्रम बहोत केले

ध्येय लांब नाही

आयुष्य साधनेत गेले

जगण्यात राम नाही

भूतात मैत्र सारे

अदृश्य ते नजारे

गळा वरमाला पडिता

सीतेचा राम जाई

उरले ते फक्त घरटे

घरट्यात चार पक्षी

दाणापाणी करता करता

चिमणा तो लांब जाई

कसली अशी कमाई

ना बाप मागे, ना आई

अश्रूंनी ताल धरिता

कंठाशी प्राण येई

श्रम बहोत केले

आयुष्य जात राही

कधी मातीत मिसळतो

याचीच वाट पाही

जगण्यात राम नाही

आता जगण्यात राम नाही


सिद्धेश्वर विलास पाटणकर