|| तथ्य ||

[शिवाजी सांगळे]

|| तथ्य ||

वठविती सोंग । करीत भक्त गोळा ।
घालुनी त्यां माळा । दंभी बुवा ।।

नामा ज्ञाना तुका । वेठीला धरून ।
पाजळती ज्ञान । गावोगावी ।।

मारूनीया थापा । भरताती पोट ।
उठवीती मठ । स्वकल्याणे ।।

ऐशा भोंदू लोकां । पाडोनी उघडे ।
जाहीर वाभाडे । काढावेत ।।

परमेश्वर एक । आहे जो सर्वत्र ।
ठेवा ध्यनी मात्र । अंतर्यामी ।।

वसलाय ईश्वर । परस्परी जाणा ।
हेची सत्य माना । विश्वासाने ।।

अनुभूती घेता । उमगते सत्य ।
तव माना तथ्य । म्हणे शिवा ।।

© शिवाजी सांगळे 🎭