मैत्रीची फुटपट्टी

[शिवाजी सांगळे]

मैत्रीची फुटपट्टी

खरंच मैत्रीचा कालावधी
कसा हो मोजला जातो?
याचाच नेहमी गुढ प्रश्न
मलाच का पडत रहातो !

असतेच का अशी फुटपट्टी
एखादी मैत्री मोजण्याची,
तरीसुद्धा असते ना स्पर्धा
आभासी नाती तोलण्याची !

येतात अन् जातात कित्येक
काही ''अबोल" बोलतात,
आपल्याच मुखातून काही
स्वतःची किम्मत करतात !

पडून गळ्यात का कधी
मैत्री हक्काची होते ?
आदर, सम्मानाची खऱ्या
मैत्रीत कदरच होते !

© शिवाजी सांगळे 🎭