भान मनाचे

[शिवाजी सांगळे]

भान मनाचे

खिडकीशी कोण डोकावले येथे?
पहा कवडसे परत हासले येथे !

चाहूल लागता पावलांची जरा
ताटवे फुलांचे दरवळले येथे !

रोज गाऱ्हाणे समईस मुर्तीचे
काय काय ते नवस सोसले येथे !

होतीच जादू भजनात राऊळी
भान मनाचे असे हरवले येथे !

जेवढे समीप गेलो जीवनाच्या
खरे खोटे नमुने गवसले येथे !

हरवताच गर्दीत पुन्हा येथल्या
फिरून मला कोणी शोधले येथे?

© शिवाजी सांगळे 🎭
संपर्क:९५४५९७६५८९