खाडाखोड

[शिवाजी सांगळे]

खाडाखोड

फाईल्स काही मी फाडल्यात जुन्या
आठवणीही खूप खोडल्यात जुन्या

पारंपारिक नियम त्या अटी, शर्ती
इच्छा नसता मनी सोसल्यात जुन्या

कडू गोड स्मृती दिल्या घेतलेल्या
दूरवरती साऱ्या फेकल्यात जुन्या

नुकत्याच आल्यात ना नवीन नोटा
त्याही आधीच मी मोडल्यात जुन्या

केल्या जरी अजब अतरंगी खोड्या
पुर्वीच त्या साऱ्या सोडल्यात जुन्या

© शिवाजी सांगळे 🎭
संपर्क:९५४५९७६५८९