मिलन

[sanjweli]

बहरली रातराणी
तव मिलनाची आस
शृंगारली बेभान रात
का रुसला बरे
आज माझा चांद

धरे भास्कराची
भेट होई रे रोज
पसरे क्षितिजावरती
लाली गुलाबी
देई सांज-सकाळी
प्रीतीची आपल्या साद

सजली महफिल चांदण्यांची
प्रीतीची बघ रे पुनव आज
कसला हा दुरावा
काय चुकले रे माझे सांग

नको रे अबोला
बोल रे काहीतरी
मज जवळी का
सांग पांघरते लाज

नको परकेपणा
दे हातात माझ्या हात
तुटु दे रे बंधने सारी
रात मिलनाची आज खास.

©महेंद्र विठ्ठलराव गांगर्डे पाटील
९४२२९०९१४३
©sanjweli