तो जळला नाही

[शिवाजी सांगळे]

तो जळला नाही

ऋतू ईतक्यात चळला नाही
तरूही धुळीत मळला नाही

गुलमोहोर अजूनी कसा तो   
झाडांनी पण माळला नाही

सावर आता तुझ्या नजरेला
पदर अजूनही ढळला नाही

फुका केली कथा व्यर्थ गेली 
सांगूनी अर्थ कळला नाही

जसा सोडून गाव तो गेला
फिरूनी मागे वळला नाही

जिवंतपणी पोळले व्यथांनी
सरणावर तोच जळला नाही

© शिवाजी सांगळे 🎭
संपर्क:९५४५९७६५८९

[Deokumar]

खुप सुंदर.......

[शिवाजी सांगळे]

खूप आभार, देवकुमारजी.