बुरखा

[Asu@16]

८ मार्च २०१८
जागतिक महिला दिनानिमित्त सर्व महिलांना आदरपूर्वक अर्पण -

       बुरखा

सौंदर्य दिव्य वरदान प्रभूचे 
औदार्याने आदर करू
सौंदर्यात जग जगते
सौंदर्याचा मान करू

दुष्टकरांनी मुखचंद्र झाकिता
ग्रहण लाविता मनांगणी
चांदण्यांच्या सुंदर जगती
मुखचंद्र खुलू द्या नभांगणी

नियंत्याची कृपा मागता
घालून शुभ्र अंगरखा
सुंदर पवित्र नारीस कां
अभद्र काळा काळा बुरखा

पाप आपल्या मनास छळते
बंदीकरण का नारीचे
नजर झुकवुनि व्हा पळते
नियत तुमची जर चळते

मोहक सुंदर पुरूष पाहुनि
नारीचेही मन डळमळते
पुरुषांनो मग, घाला बुरखे
नारीशक्ती चळवळते

- अरूण सु.पाटील

https://www.facebook.com/AsuChyaKavita