कविता

[yallappa.kokane]

कविता

कविता कधीकधी वहीत
गप्प पडून शांत रहाते
कधी शब्दांचे चटके देत
आग होऊन भडकत रहाते

थोडक्यात विचार मांडून
खुप काही बोलून जाते
कधी प्रश्नावर प्रश्न मांडत
मनात गोंधळ घालून जाते

कविता म्हणजे रूजलेले
विचार मनातून फुलतात
उतरताच जेव्हा कागदावर
ओठी रसिकांच्या झुलतात

कविता जन्मास येते
पाठलाग करून भावनांचा
आणि ती खुलत जाते
स्फोट होऊन शब्दांचा

– यल्लप्पा कोकणे

९८९२५६७२६४

[Deokumar]

खुप छान....