विचार मांडताना

[yallappa.kokane]

विचार मांडताना

चूका साऱ्या पदरात घेत
मार खाणारी ताई आहे
त्रास दिला जरी कितीही
हट्ट पुरवण्यास आई आहे

बोट धरूनी बाबांचे तेव्हा
हळूहळू चालायला शिकलो
नाते जपण्यास वेळ नाही
पैसे कमवण्याची घाई आहे

लहान असताना भाऊ, जो
मित्रा प्रमाणे वागत होता
संसार लागता त्याच्या मागे
अंतर पाडण्यास बाई आहे

करता विचार या साऱ्याचा
त्रास जीवाला फार होतो
विचार शब्दांत मांडताना
साथ देण्यास शाई आहे

– यल्लप्पा कोकणे

९८९२५६७२६४