साधू महंत

[Asu@16]

    साधू महंत

साधू महंत म्हणवती
परि राहती ऐश्वर्यात
भोगदास मठाधिपती
गाड्यांच्या गराड्यात

उधळीत सत्ता संपत्ती
मिरवति कुंभमेळ्यात
मानपाने स्नानी गुंग
श्वानांसम भांडण्यात

भांग गांजा पिऊन दंग
भस्मे फासुनि सर्वांग
धुनी लावुनि ध्यानस्थ
समाधीत हे बिनधास्त

मतपेटीच्या चिंतेपाई
नेतेगणही पडता पायी
राजमंदिरी वावर सूचक
सत्तानगरी यांचा वचक

वित्त कमविणे हाच धर्म
धर्म प्रचार सोडून कर्म
उद्योग धंदे, सत्ता आली
लपते सगळे कफनी खाली

मंत्री होती साधू महंत
झाले राजकारण बेधुंद
लोकहित फक्त गाजावाजा
म्हणून आठवे जाणता राजा

- अरुण सु.पाटील

https://www.facebook.com/AsuChyaKavita