*** निळसर नदी ***

[धनराज होवाळ]

*** निळसर नदी ***

गावागावातून वाहणारी,
पाणी खळखळ करणारी...
निळसर नदी ही आपली,
आभाळ घेऊन जगणारी..!!

सर्वांचे दुःख घेऊन जाणारी,
पाप सर्वांचे धुवून काढणारी..
निळसर नदी ही आपली,
तहानलेल्याला तृप्त करणारी..!!

कधी किनाऱ्यालगत वाळूत,
मनाला शांत गारवा देणारी..
निळसर नदी ही आपली,
मैत्रीण बनुन ऐकुन घेणारी..!!

मच्छीमारांना व्यवसाय देणारी,
होडी प्रवासात स्वर्ग दाखवणारी..
निळसर नदी ही आपली,
रानं सारी हिरवीगार करणारी..!!

पुल घट्ट पकडून ठेवणारी,
आपल्याला वीज देणारी...
निळसर नदी ही आपली,
आपल्याला खरं प्रेम देणारी...!!!
-
#प्रेमवेडा_राजकुमार
( #धनराज_होवाळ )
कुंडल, जि.सांगली
मो. ९९७०६७९९४९.