लेखक

[Asu@16]

          लेखक

शब्दसृष्टीचे मालक आम्ही
आम्हास काय ते उणे !
घडवू अलंकार शब्दांमधुनि
हे देवाजीचे देणे

कादंबरीचे महाल बांधू
लावू कथा काव्यांची झुंबरे
नाटकांची खिडक्या दारे
चुटके चारोळ्यांचे उंबरे

शब्दप्रभूंचे वारस आम्ही
शब्दांवाचून ना अडे
शब्द छकुले रांगत येती
अद्भुत किमया घडे

सरस्वतीचे उपासक आम्ही
आम्ही न कुणाचे देणे
मस्त जगावे, मुक्त लिहावे
हेच प्रभुचरणी मागणे

-अरूण सु.पाटील

https://www.facebook.com/AsuChyaKavita