==* चल चल मिनी म्याऊ *==

[SHASHIKANT SHANDILE]

चल चल मिनी म्याऊ
आपण दोघं शाळेत जाऊ
मिळून वर्गामंदी आपण
छान छान गाणी गाऊ

नवी नवी घाल कापडी
पुस्तक पाटी घेऊन जाऊ
दप्तर तुझा माझा छोटा
चल पाठीवर टांगून घेऊ

अ आ इ ची बाराखडी
एका दोनाचे पाढे लिहू
प्रार्थनेची वेळ झाली
ओळीत सारे उभे राहू

चल पड मिनी म्याऊ
वेळेआधी शाळेत जाऊ
उशीर होवू नये बाळा
उगाच आपण मार खाऊ

चल चल मिनी म्याऊ
आपण दोघं शाळेत जाऊ
खेळता खेळता शिकू अन
शिकून खूप मोठं होऊ
----------------//**--
शशिकांत शांडीले, नागपूर
भ्र.९९७५९९५४५०