साथ - साथ

[Asu@16]

   साथ - साथ

माझ्या अंगणी, तुझी पाऊले
आनंदाने नाचू दे     
पावा माझ्या प्रेमाचा
तुझ्या अंतरी वाजू दे
प्रेमाचा प्राजक्त तुझा
माझ्या अंगणी खुलू दे
सर्वस्वाचे निर्माल्य होण्या
तुझ्या अंगणी फुलू दे
गीत तुझे माझ्या ओठी
मुक्तपणे गाऊ दे
आसमंतात तुझा नि माझा
सूर भरून राहू दे
नाचत गात सदा जीवनी
प्रेमभाव असू दे
एकमेकां साथ देऊनी
आयुष्य आपुले वसू दे

- प्रो.अरुण सु.पाटील (असु)

https://www.facebook.com/AsuChyaKavita