बाबा

[sneha31]

लहान असतांना बोट धरून चालायला शिकवतात
तळ हातावर खेळवून फुलाप्रमाणे जपतात
स्वतः फाटके कपडे घालून मुलांना नवीन कपडे देतात
उन्हाचे चटके सोसून मुलांसाठी खाऊ आणतात

स्वतः ला त्रास असतांना मुलांची काळजी घेतात
स्वतःच दुःख लपवून सगळ्यांना खुश ठेवतात
मुलांच्या उच्च शिक्षणासाठी वन वन भटकतात
संपूर्ण परिवाराच ओझं घेऊन सकाळीच कामाला निघतात

चुकलं जरी काही तर रागावून परत मायेने जवळ घेतात
घराला घरपण देऊन सगळ्यांना मात्र बरोबर जपतात
मुलाला जवळ घेऊन जबाबदारीची जाणीव करून देतात
सगळ्यांच विचार करून स्वतःला मात्र ते विसरतात

मुलीच्या लग्नासाठी इकडे तिकडे जाऊन धडपड ते करतात
सांभाळून घ्या माझ्या लेकीला अस काळजी पोटी ते सांगतात
डोळ्यात पाणी येऊनही मनात च साठवून ठेवतात
मुलगी सासरी जाताना आशीर्वादाचा हाथ ठेऊन धायमोकळून रडतात

स्नेहा माटूरकर
भंडारा