पाऊस

[atulgurav1987]

                      पाऊस                                                                                                                                                                                                                                                                                                                                                                                                                           
      काल पावसाला कोर्टाच्या कटघरयात पाहिले,                                                                                                                                                 
      बुध्दी सून्न झाली , शरीर थंड पडले ,                                                                                                                      
      परंतु,विचार मात्र वकील बनून त्याच्यापाठी उभे राहिले.                                                                                                                            
                                                                                                                                                                                                       
      खरतर माझी वकीली अस्विकार करू शकत होता तो,                                                                                                         
      एका क्षणात कोर्टाचे पाणी करू शकत होता तो,                                                                                                              
      पण निसर्गाचे नियम पाळणारा शिस्तबद्ध पुढारी,                                                                                                          
      मानवी न्यायपालिकेचा अनादर करू शकत नव्हता तो.                                                                                                                                                                                                                             
                                                                                                                                                                                                         
       नाही  नाही ते आरोप , बेडकांचा बाजार ,                                                                                                           
       अपघात, पूर, आजार यांना तूच जबाबदार.                                                                                                              
       अपमानित झाला असला तो ,तरी इतका उदार,                                                                                                              
       बेल मिळाली तर बळीराजाला भेट देईन,हाच मनात विचार.                                                       
                                                                                                                                                                                                   
       तुझ्यामुळे ट्रेन बंद,तुझ्यामुळे यातायात बंद,                                                                                                                
       तुझ्यामुळे काम बंद,तुझ्यामुळे घरही बंद.                                                                  
                                                                                                                                                                                                   
       आरोपांना उत्तर देत, ढगांशी लढतोय तो,                                                                                                              
       पाण्याचे साठे कमी झालेत म्हणून तुझ्यासाठीच पडतोय तो.                                                                                               
       सृष्टीला विविध रंगात रंगविणारा फक्त कलावंत नाही तो,                                                                                                     
       सर्वांसाठी रोज जन्म देणारा भगवंत आहे तो.                                                               
                                                                                                                                                                                                   
       (शरिरात निम्म्याहून अधिक पाणी असते)                                                                                                                 
        अरे त्याचाच अंश आहेस तू ,                                                                                                                              
        आणि त्याचाच वंश आहेस तू ,                                                                                                              
        तरीही तुझ्याकडेच मागणे मागतोय तो,                                                                                                          
        न्याय देशील ना रे तू                                                                                                                      
                                                                                                                                                                                                           
                                   -अतुल मनोहर गुरव.