स्वप्न प्रिया

[शिवाजी सांगळे]

स्वप्न प्रिया

तो अलगद निघून चालला
सोडीत तांबूस कोवळे उन..!
नाहत्या उन्हात ती अवतरली
परडीत दवाळ फुले घेऊन..!!

प्रतिबिंबात नाजूक थरथरला
खांद्यावरील अल्लड शेव..!
दवबिंदू मधाळ करते झाले
चेहऱ्या वरील सिग्न्ध भाव..!!

धूरा समवेत नाचरे कवडसे
रमले खिडकीच्या तळाशी..!
ओल्या पायांची चर्चा झाली
किनकिनत्या पैंजण द्वयांशी..!!

ज्योतींचे पंचकही सजले
समईच्या नक्षी तबकावरती..!
कमनीय ती मृदुल तनया
अर्पिते गंधफुले देवा वरती..!!

© शिवाजी सांगळे 🎭
संपर्क:९५४५९७६५८९