श्रावण मैफिल !!

[श्री. प्रकाश साळवी]

श्रावण मैफिल !!
-----------------------
श्रावणात माझी मैफिल सजून गेली
पाहता फडाची लावणी दमून गेली
**
गायीले गीत माझे मैफिलीत माझ्या
स्वरांच्यासवे बघ ही रात्र रंगुन गेली
**
स्वातंत्र्य दिन साजरा आज बहात्तरावा
तिरंग्यापुढे आज मान झुकून गेली
**
आठवा आज हो त्या वीर जवानांना
तयांच्या साठी दोन आसवे टपून गेली
**
सरसर पाऊस थोडे बघा उन्ह पडे
आनंदाने कशी धरणी रमून गेली
**
चला गं सयांनो आज नाग पूजायला
सणात कशी बघा फुगडी घुमून गेली
**
नेमेची येतो महिना कसा श्रावणाचा
आनंदाने बघ कशी मने बहरून गेली
**
प्रकाश साळवी
बदलापूर - ठाणे
९१५८२५६०५४