दाद

[शिवाजी सांगळे]

दाद

पहाटेलाच तुझी आठवण छळाया लागली
मनात तेव्हा एक कविता घोळाया लागली
 
सुगंध आज मोगऱ्याने सर्व घरात सांडला
जेव्हा हलकेच ती गजरा माळाया लागली

सांगितले नाही कुणी नियम तीला घरातले
आपणच होउन ती सारे पाळाया लागली

प्रेमात मुरली अशी नशा दोघांत त्यागाची
वृत्ती खरी परस्परांस मग कळाया लागली

उमजताच भाव काव्यातला जसाजसा तीला
अन् दाद नेमक्या शब्दाला मिळाया लागली

© शिवाजी सांगळे 🎭
संपर्क:९५४५९७६५८९