ऋतू

[शिवाजी सांगळे]

ऋतू

हलकेच किनाऱ्या वरून
ऊन पाण्या कडे सरकतं,
शहारतं जरासं पाणी...मग
ऊनही थोडं आक्रसून जातं

स्पर्श जो शितल ऊनकोवळा
जो सकाळी हवासा असतो
होतो मिसळण्याचा सोहळा
संध्येला का दूरावला जातो ?

परस्पर आवेगाची आसक्ती
युगा युगाची तीही ठरलेली...
कित्येकदा घेऊनही कवेत
जाती आपोआपच दूरावली..!

सारे जीवन, हेच का खरे?
सकाळ जन्मोदय म्हणावा!
संपता जीवनऋतू चक्र ते
अत्यंअस्त का न जानावा ?

© शिवाजी सांगळे 🎭
संपर्क:९५४५९७६५८९