एक घर...

[Vasanti]

एक घर....

एक घर,  तुझ्या माझ्या स्वप्नांच,
एक घर,  तुझ्या माझ्या प्रेमाचं!

एक घर, काटकसरीच्या आयुष्याचं,
एक घर, तुझ्या माझ्या वाट्याचं!

एक घर, प्रेमानं थाटलेलं,
एक घर, जिथे सुख-दुख एकत्र वाटलेलं!

एक घर, फुलांनी नटलेलं,
एक घर, कर्तव्यांनी जडलेलं!

एक घर, मायेची ऊब दाटवलेलं,
काडी-काडी एकमेकानसवे आधाराने साठवलेलं!

एक घर, सोनेरी क्षणांनी भरलेलं,
तुझ्या-माझ्या जवळीक ने सारवलेलं!

एक घर, दोघांच्या प्रेमानी प्रकाशलेलं,
मोठ्यांच्या आशिर्वाद, मुलांच्या आवाजांनी गाजलेलं!

एक घर, तुझ्या माझ्या स्वप्नांच,
सोबत घालवलेल्या प्रत्येक क्षणांच्या साक्षीचं!