नातं शब्दांशी

[yallappa.kokane]

नातं शब्दांशी


सहज माझे शब्दांशी
जुळलं आहे छान नातं
रंगती गप्पा मुक्त जेव्हा
गाणं तेव्हा तयार होतं

भासत नाही एकटेपण
मिळता दुःखाचा आहेर
एक शब्दच मित्र माझा
सहज व्यथा येते बाहेर

आहे जादू वेगळी त्यात
नाती सारी जपायची
कागदावर सजतो तेव्हा
दिशा दाखवतो जगायची

यल्लप्पा कोकणे
२७ जानेवारी २०१९


९८९२५६७२६४

[Atul Kaviraje]

     यल्लप्पा कोकणे सर, " नातं शब्दांशी ", या कवितेतून आपण शब्दांना आपला मित्र करून, त्यातून कविता रुपी मैत्री कशी जन्म घेते,  जी कशी कायमची टिकते, जी आपणास जीवनभर जगण्यास स्वप्ने दाखविते, अशा प्रकारचे अलंकार सहजपणे सजविले आहेत. यमकांचा तुम्ही यासाठी सर्वथा पुरेपूर वापर करून, कवितेस बहार आणली आहे.

     माझे शब्द, आणि त्यातून प्रसवलेली माझी कविता, यांचे तुमच्याशी नाते हे जन्मोजन्मीचे, अतूट आहे, हे या कवितेतून प्रकटपणे जाणवत आहे. अत्यंत उत्कट भाव असलेली आपली हि कविता मनास अत्यंत भावली. अश्याच अर्थपूर्ण कविता आपल्या लेखणीतून कागदावर उतरोत, ही सदिच्छा व्यक्त करतो.

     अक्षरांनी मेळ धरून गुंफीत
     प्रकट केले शब्दांस कागदावर
     शब्दांनी पुढे एकत्र येऊन,
     अंती कवितेस केले साकार.

     हीच कविता जीवन माझे
     हीच कविता प्राण माझा
     मी, माझे, विसरून सारा स्वार्थ,
     जगण्यास देते मला अर्थ.

-----श्री अतुल एस परब(अतुल कवीराजे)
-----दिनांक-२९.०५.२०२१-शनिवार.