ती होडी

[tanksale.ajinkya1012]

आज सहज लक्ष गेलं तिकडे,
खरंच किती विलक्षण ती होती,
त्या शांत प्रवाहातही हेलकावे खात असताना,
अतिशय संथ गतीने पुढेच ती जात होती||१||

शीतल वाऱ्याची मजा घेत,
तिरावरच्या झाडांना चिडवत ती होती,
आपल्याच सख्यांच्या खोड्या काढत,
सगळ्यांमध्ये मिसळून ती जात होती||२||

खाली माश्यांशी खेळत असताना,
पक्षांनाही हात ती दाखवत होती,
आपल्याच धुंदीत गर्क असूनही,
नविकाच्या गाण्यांना साथ ती देत होती||३||

कुणी फार विशेष नव्हती,
पण सगळ्यांची प्रिय ती होती,
त्या नदीचा दागिनाच जणू,
फक्त एक लहानशी 'होडी' ती होती||४||