चुकलेली अक्षरे ?

[Ashok_rokade24]

सुगंध सारा विरला , शब्द फुले कोमेजली ,
ऊमटेना अक्षरे काहि , लेखनी जड झाली ,

पसारा कागदांचा , ढीग अक्षरांचा सभोवती ,
काय घ्यावे कसे ,अक्षरे सारी पुसट दिसती ,

चुकून निवडली अक्षरे , शब्द वेगळा झाला ,
चुकलेल्या शब्दांतून , अर्थ वेगळा निघाला ,

चुकीची अक्षरे ,शब्द हि अर्थहिन झाले ,
स्वहस्ते विणले जाळे, मन बंदिस्त झाले ,

चुकलेल्या शब्दांची,जरी माला गुंफली ,
नसे भावना काही , अर्थहिन राहीली ,

                                 अशोक मु.रोकडे .
                                  मुंबई.