शब्द

[Sagar salvi]

शब्द !
अडखळलो कधी बोलता बोलता
मला शब्दांनींच साथ दिली.

माझ्या ओठांच्या हालचालींना
शब्दांनीचं तर दाद दिली.

कधी दुरावलो त्यांच्यापासून
शब्दांनीचं आतून हाक दिली.

ओळखत न्हवतं कोणी तेंव्हा
शब्दांनीच कवी ही जात दिली.

माझ्यासारख्या रिकाम्या पणतीला
शब्दांनीच तर वात दिली.

शरीर सुद्धा थकलं तेंव्हा
शब्दांनीच तर कात दिली.

रस्ता न्हवता माझा तेंव्हा
शब्दांनीच तर वाट दिली.