तुझ्या रुपाची मोहिनी

[Mahesh Thite]

             तुझ्या रुपाची मोहिनी

निसर्गाचे सारे रंग
भरलेत तुझ्यात देवाने,
मोहिनी घातली माझ्यावरती
तुझ्या सुंदर रूपाने।।

चंद्रापरि मुख तुझे हे
नक्षत्रापरि रूप दिसे,
नाजुक नाजुक ओठांमधुनी
जणू लाल गुलाब फुले,
तृप्त झाले नयन माझे
मात्र तुझ्या दर्शनाने,
मोहिनी घातली माझ्यावरती
तुझ्या सुंदर रूपाने।।

मोकळे केस भिरभिरती
अल्लड, अवखळ नदीप्रमाणे,
पाणीदार डोळे तुझे हे
जणू सरोजातील कमळ फुले,
घायाळ झालो पुरता मी
मात्र तुझ्या कटाक्षाने,
मोहिनी घातली माझ्यावरती
तुझ्या सुंदर रूपाने।।

हसताना तुझ्या ओठांमधुनी
शुभ्र मोत्यांची माळ दिसे,
बोलताना वाणीमधुनी
कोकिळेचा स्वर उमटे,
वसंतापरि बहर आला
आयुष्यात तुझ्या येण्याने,
मोहिनी घातली माझ्यावरती
तुझ्या सुंदर रूपाने।।

                -- महेश थिटे,
                     अहमदनगर