मैत्री

[Mahesh Thite]

                         मैत्री

मैत्री,
अनोळखी व्यक्तीशी सुर जुळवून होणारी शायरी,
हृदयाच्या पडक्या भिंती बांधणारी कारागिरी,
जीवनात आशेचे रंग भरणारा रंगारी,
लोणच्याप्रमाणे दिवसेंदिवस मुरत जाणारी ।।

मैत्री,
मित्रासाठी प्रसंगी मेणासारखी विताळणारी,
संकटात वज्राहूनही कठीण बनणारी,
पडल्यावर भरारी मारण्याची प्रेरणा देणारी,
एकमेकांच्या भावना न बोलताच समजून घेणारी ।।

मैत्री,
बेपर्वा होऊन मनसोक्त खिदळणारी,
जातीपातीचे,लिंगभेदाचे बंधन झुगारणारी,
निर्मळ झऱ्याप्रमाणे खळखळ वाहणारी,
हृदयात नेहमी घर करून राहणारी ।।

                                    -- महेश थिटे,
                                         अहमदनगर