मंदी बदनाम झाली

[शिवाजी सांगळे]

मंदी बदनाम झाली

मंदी आली बघा मंदी आली
सगळीकडे अशी बोंब झाली

खेडोपाडी बाजारी आणखी
शेतकऱ्यांकडे रुसून बसली

नाका आणि त्या टपरीवरती
नुकतीच सहज फिरून गेली

मॉल, हॉटेल अन् थेटरां मधे
शोधूनही कुठे ती ना दिसली

रेल्वे फुल एसटीगाड्या फुल
मंदी का कुठे फिरायाला गेली

म्हणती विमान उडवित मंदी
बघा परदेशी फिरायला गेली

नेमकी कमाल ती काय झाली
मुन्नी पेक्षा मंदी बदनाम झाली

© शिवाजी सांगळे 🦋
संपर्क:९५४५९७६५८९