शंभर भोके

[sacchavhan@gmail.com]

काय पेरले काय उगवले मोजू कसे
धरतीचे उपकार येवढे मोजू कसे

गाईच्या पाण्यातही रक्तस्त्रावते आता
माहित असून मला विष हे पाजू कसे

कधी निसर्ग,कधी समाज उसवतो
शंभर जागची भोके शिलाईने टाचू कसे

झिजले जोडे,झिजले पाय विनवणीने
नशीब माझे कोणत्या दगडावर घासू कसे

भोंगळा कारभार माझा,नागडा देह मी
पोटाच्या दोन दाण्यासाठी खोटे लाजु कसे

पोशिंदा शेतकरी मी हाडाच्या कष्टाचा
वेश्या परी बाजारी दमडीला नाचू कसे