आई,बाप आणि मशीन लर्निंग

[shrikantbhate]

मुलगा शिकून वैज्ञानिक झाला
तंत्रज्ञानाने चमत्कार केला

विकसित मशीन धाडले आई बापाला
म्हणाला, डेटा मिळतो तुमच्या शरीरातला

एक दिवस अलर्ट आला
वॉर्निंग समजून ignore केला

दुसऱ्या दिवशी व्हाट्सअप्प आला
निरोप धाडला शेवटचे भेटायला

मुलाने आक्रांत केला
डेटा मिळूनही का हा घात झाला

मग लागला log बघायला
वेळ लागला हे उमजायला

हृदयाचा ठोका बंद पडला पण
डेटा मात्र जातच राहिला

©श्रीकांत भाटे
१७-नोव्हेंबर-२०१९