जीवाला हि हा देह सोडवेना

[Prasad8790]

वाचाव्यात तू माझ्या कविता
त्यातून कळाव्यात माझ्या भावना...
अंतरीचा दाह शमवू कसा गं,
समोर येऊन तूच जरा सांगना...

पाहावे वाटते खूप तुला पण
तुझी एकही झलक मला मिळेना...
का गुंतलो तुझ्यात मी एवढा,
माझेच मला कसं काही कळेना....

तुझी सवय एवढी झाली मला
तुझ्याविना मला आता जगवेना...
का अशी छळतेस मला तू,
का माझी खुळी प्रीत तुला उमगेना...

ये आता खूप झाले लपंडाव
खूप शोधले, तू मला सापडेना...
तुझ्या मिठीत मरायचे म्हणून
जीवाला हि हा देह सोडवेना...

✍🏻प्रसाद धुमाळ
१०/१२/२०१९