मन रमत नाही

[SahyadriN]

या शब्दांच्या शहरात
आता मन रमत नाही
आठवणीच्या गर्दीत
मला काही करमत नाही

लाखो चेहेरे सारखेच इथे
ओळखीचा एकही वाटत नाही
शोधू कोणी ओळखेल का मला
माझीच सुरत मला आठवत नाही

तिच हवा तोच गंध
सुगंध तो श्वासात माझ्या दरवळत नाही
जूनं आभाळ जुना काळोख
उजेड नवा तो कुणाच्या मनात नाही

आकार उकार नेहमीचे परी
शब्दाला शब्द जुळत नाही
कोरया कागदावर शिंपले जरी
अक्षरांना अर्थही मिळत नाही
NPD23122019