मागणं

[jyoti malusare]

                        ।।श्री।।             

।।मागणं।।


येतील जरी दुःख......वाटेल वाईट मनी।
ह्या देहाला ठेवा अखंड तुझिया चरणी।।१।।

जिथे कोठे धावेल...सैरावैरा हे मन।
तिथे लागो देवा, फक्त तुझेच ध्यान।।२।।

येतील विषय,..... कामना वासना।
ठेवा ह्या देहाला, वैराग्यात सर्वदा।।३।।

होऊन लोभ जागा.... वाटेल सुखाचा हेवा।
सदा मनाकडे असुद्यावा, समाधानाचा ठेवा।।४।।

होतील जसे कर्म...लागेल करावी भरनी।       
दंडक असू द्यावा हा, सदासर्वदा स्मरणी।।५।।

पुन्हा पुन्हा जन्म........नको पुन्हा मृत्यू।
तुझ्या चरणी असतानाच, मिळूदेना मोक्ष।।६।।

चार दिवसाचं जीवन.....नंतर होईल रे माती।
तोपर्यंत जळुदे देवा, तुझ्या चरणी ही 'ज्योती'।।७।।


© शब्दज्योत✍️