उजाळा

[शिवाजी सांगळे]

उजाळा

अनोळखी शहरात नुकता येऊन गेलो
खुणा काही अस्तित्वाच्या शोधून गेलो

चाळवल्या स्मृती अनेक आपसातल्या
उजाळा नव्याने पुन्हा त्यांस देवून गेलो

शोध घे जरासा बागेतल्या पाराजवळी
काठावर फुल गुलाबी एक ठेवून गेलो

रिक्त मी नव्हतो कधी ना आज झालो
गंध माळलेल्या मोगऱ्याचा घेवून गेलो

फुटावी पालवी नित्य स्फूर्ती चैतन्याची
अनोख्या प्रेमाचे रोपटे बघ लावून गेलो

© शिवाजी सांगळे 🦋
संपर्क: +९१ ९५४५९७६५८९