प्रेम कविता

[Swapnildhane]

मागत होतो सहवास तुझा
प्रवास करण्या तुझ्यासवे
हवे होते पर या जटायुला
वेधण्यासाठी क्षितीज नवे

सारुन बाजुला द्वंद मनातले
माझ्या हाती दिलास हात
अशीच राहू दे प्रिये मनी
जन्मोजन्मीची प्रेमळ साथ

लाजणाऱ्या पापण्या तुझ्या
देत होते मजला प्रेमाची साक्ष
तिमिरातल्या या कोंडमाऱ्याला
सापडला होता एक गवाक्ष

टेकवले जेव्हा ओठ भाळी
गंधाळला होता श्वास सारा
अलगद तुझ्या स्पर्शाने हा
उधाणला होता गार वारा

♻स्वप्नचर