काही तरी हरवलंय

[Sachin Mali]

काही तरी हरवलंय

काही तरी हरवलंय पण कळत नाही काय
शोधण्यासाठी निघालो खरा पण वळत नव्हते पाय

माणसाची माणुसकी का माणसाचा इमान
अत्याचार समोर होतांना दिसला तरी आपण बसतो गप गुमान

शेतातून पाणी हरवलंय शाळांमधून शिक्षण हरवलंय
शेतकऱ्याने पण आता निसर्गाकडून अपेक्षा करणे सोडलंय

कुटुंबातील शांतता हरवलीय कि आपल्या लोकांमधील जिव्हाळा
पाऊसही अवेळी पडतो आणि तसाच आहे चटके देणारा उन्हाळा

मुलांचे संस्कार हरवलेत मुलींची हरवलीय लाज
इतके कोणी कसे बदलू शकते असा प्रश्न पडतो आज

प्रेमा मधले प्रेम आणि मित्रांमधली मैत्री हरवली आहे
प्रत्येक गोष्टी मध्ये आता फक्त पैशाने जागा घेतली आहे

मंत्री आणि साहेब यांच्या मधला शिष्टाचार हरवला आहे
म्हणून इतकी वर्ष त्यांनी सामान्य जनतेला वेठीस धरले आहे

एवढ्या सगळ्या गोष्टी शोधून सुद्धा काही तरी हरवलंय
नुसतेच स्वतः पुरता जगून आपण काय मिळवलंय
दुसऱ्यांसाठी जगून पहा देवाने करण्यासारखे खूप काही दिलंय

सचिन माळी
Ph.: 9764987912
Email: - sachin7mali@gmail.com
Date:- 28 Feb 2020