मित्र म्हणजे काय

[अनुप पुरोहित]

मित्र म्हणजे काय
दोन हात दोन पाय

एक हात मदतीचा
एक  वाम मार्गी गेल्यास
मागे ओढण्याचा

एक पाय सोबत चालण्याचा
एक चुकल्यास मारण्याचा

मित्र म्हणजे काय
निरर्थक गोष्टीना अर्थ लावणारा
अर्थपूर्ण गोष्टीना निरर्थक करणारा

वायफळ गोष्टीना कधीही
न कंटाळणारा
उपदेश दिल्यावर
बोर नको करू म्हणणारा

मित्र म्हणजे काय
वेळ कधीही न पाळणारा
पार्टी ठरवून
मी विसरलो सांगणारा

मित्र म्हणजे काय
खोटे भांडण करणारा
चांगले काही केल्यावर
विश्वास न ठेवणारा

मित्र म्हणजे काय
निसर्गाची सर्वात
चांगली भेट
भिडली मनाला थेट

मित्र म्हणजे काय
भेटले की असतो
नुसता धिंगाणा
कुणालाही काही कळेना

मित्र म्हणजे काय
असा एक श्वास ,
त्याच्यावर संपूर्ण विश्वास

मित्र म्हणजे काय
रंगवलेला कागद
प्रत्येक रंग अगदी अलगद

मित्र म्हणजे काय
झऱ्याचे निर्मळ पाणी
मिळाले न  कोणाला
असा नसेल कोणी

.....अनुप