सांजवेळी

[शिवाजी सांगळे]

सांजवेळी

भेटतील संत काही भजनात सांजवेळी
भेटतील थोर काही पेल्यात सांजवेळी !

सावधान रे रहावे यात्रेस जाल जेव्हा
गाठतील चोर कोणा वाटेत सांजवेळी !

तांबुलातल्या सुपारी नी पांढऱ्या चुन्याने
रंगतात ओठ काही शौकात सांजवेळी !

वाटते कशास टाळावी ती नशा कुपीची
एक एक घोट नेतो कैफात सांजवेळी !

सावरून चांदण्यांनी आभाळ व्यापताना
मोगऱ्यास गंध सुटतो रानात सांजवेळी !

©शिवाजी सांगळे 🎭
संपर्क: +९१ ९५४५९७६५८९