आशा

[शिवाजी सांगळे]

आशा

गल्ली न् गाव आता नवा भासेल
जेव्हा केव्हा हे टाळे बंधन उठेल

स्वच्छ रस्ते न् शुद्ध मोकळी हवा
पशु पक्षी चराचरां हर्षवायू सुटेल

झाडे हसतील नी नाचतील फुले
श्वास मोकळा निसर्गाला मिळेल

तळ पाहूया नदी,नाले, सागराचा
शिखर स्पष्ट उंच पर्वताचे दिसेल

खऱ्या अर्थाने प्रदूषणमुक्त हवेचा
भविष्यकाळ मनुष्य प्राणी बघेल

नियम रे निसर्गाचे पाळता सगळे
सृष्टी अंतापर्यंत तो नक्की जगेल

©शिवाजी सांगळे 🦋
संपर्क: +९१ ९५४५९७६५८९