*** आठवणींची झुळूक ***

[धनराज होवाळ]

*** आठवणींची झुळूक ***

तुझ्या आठवणींची झुळूक,
बघ ना.. किती मस्त आहे..
हृदय तर तुझ्यात व्यस्त,
बाकी शरीर तर सुस्त आहे..!!

तुझ्या आठवणींची झुळूक,
मनाला मोहून जाणारी आहे..
तुझ्या या आभासाने सुद्धा,
बरंच बोलून जाणारी आहे..!!

तुझ्या आठवणींची झुळूक,
जणू एक गोंडस हर्ष आहे..
डोळे बंद केल्यानंतरचा,
तुझा तो प्रेमळ स्पर्श आहे..!!

तुझ्या आठवणींची झुळूक,
जणू रिमझिम धारा आहे..
कधी उसळणारं वादळ,
तर कधी मंद वारा आहे..!!

तुझ्या आठवणींची झुळूक,
मला हवी हवीशी वाटणारी...
इथे तिथे कुठेही न थांबता,
थेट माझं हृदय गाठणारी...!!!
-
🤴🏻 प्रेमवेडा राजकुमार 🤴🏻
( ©धनराज होवाळ )
मो. ९९७०६७९९४९.