*** स्पर्श हळव्या मनाचा ***

[धनराज होवाळ]

🥰 *स्पर्श हळव्या मनाचा* 🥰

स्पर्श हळव्या मनाचा,
हात तान्हुल्याचा तसा..
अगदी मायेने फिरावं,
तारा इवलासा जसा..!!

स्पर्श हळव्या मनाचा,
थेंब पावसाचा जसा..
इंद्रधनू पसरावा अन्,
चेहरा खुलावा तसा..!!

स्पर्श हळव्या मनाचा,
घाट वळणाचा जसा..
कधी भिती कधी खुशी,
छंद उंचावरचा तसा..!!

स्पर्श हळव्या मनाचा,
जसा समुद्राचा वारा..
कधी येतो कधी जातो,
सुख-दुःखाचा किनारा..!!

स्पर्श हळव्या मनाचा,
कधी तुझा कधी माझा...
नको समजू मला कमी,
माझ्या मनाचा मी राजा...!!!
-
🤴🏻 *धनराज होवाळ* 🤴🏻
मो. ९९७०६७९९४९.