सारे अकल्पितच घडले

[Shilpa Mohite]

पुष्प३रे
          सारे अकल्पितच घडले

एका विषाणूने उडविली दाणादाण
सारे रस्ते जाहले सुनसान
जग हे सारे स्तब्ध जाहले
सारे अकल्पितच घडले
              शतकानंतर पुन्हा आली ही महामारी
              जीवनाची किंमत कळली खरी
              सान-थोर ना कुणी ना गरीब-श्रीमंत
              ना कुठला धर्म ना जात ना पंथ
              भेदभाव हे सारे सरले, सारेच धास्तावले
              सारे अकल्पितच घडले
रुद्रावताराने जणू येथे तांडव केला
या मातीमध्ये प्रेतांचा खच पडला
डॉक्टर,नर्स यांना पोलीस व सफाई कामगारांची जोड
त्यांच्या धैर्याला आणि त्यागाला नाही कशाची तोड
रक्षण करण्या जनतेचे मातीतले देवदूत पुढे सरसावले
सारे अकल्पितच घडले
                         -   शिल्पा मोहिते