चेहरे आणि मुखवटे

[Shilpa Mohite]

पुष्प ६ वे
           चेहरे आणि मुखवटे
लपविले दुःख तरी चेहरा सांगून जातो
थोपविले हृदयातील कढ तरी गळा दाटून येतो
           नको ती सहानुभूती, नको ते सांत्वन
           वरकरणी देखावा संकुचित अंतर्मन
           नसे आपलेपणा फक्त मुखवटा भासतो
           लपविले दुःख तरी चेहरा सांगून जातो
अंतरीचे रंग किती वेगवेगळे
कोण असे आपुले हे ना मज कळे
रीतेपणा मनाचा ओलावा शोधतो
लपविले दुःख तरी चेहरा सांगून जातो
           क्षणभर वाटे हा आपला क्षणातच मृगजळ
           कुणी नसे कुणाचा मनात ही सल
           रीत ही जगाची मन समजूत घालतो
           लपविले दुःख तरी चेहरा सांगून जातो
                         
                           - शिल्पा मोहिते