प्रेरणा त्यागाची

[Shilpa Mohite]

पुष्प ७ वे
                    प्रेरणा त्यागाची
हे भास्करा ,
              मुक्त उधळण करतोस प्रकाशाची
              हटविलेस तिमिर मनी आस ना कशाची
              हिच प्रतिमा तुझ्या तेजाची
              तूच प्रेरणा दिलीस त्यागाची
हे चंद्रा,
              मुक्त उधळण करतोस चांदण्याची
              प्रसन्न करतोस रात्र अंधाराची
              हिच प्रतिमा तुझ्या शितलतेची
              तूच प्रेरणा दिलीस त्यागाची
हे वरुणा,
             मुक्त बरसात करतोस पाण्याची
             तृष्णा शमवितोस दीन-दुःखितांची
             हिच प्रतिमा तुझ्या औदार्याची
             तूच प्रेरणा दिलीस त्यागाची
हे सागरा,
             मुक्त उसळित लाटा
             जगाची मलिनता घेतलीस पोटा
             हिच प्रतिमा तुझ्या विशालतेची
             तूच प्रेरणा दिलीस त्यागाची
हे सरीते,
            मुक्त उधळीत जलधारा
            जीवन दिलेस लहान-थोरा
            हिच प्रतिमा तुझ्या प्रवाहाची
            तूच प्रेरणा दिलीस त्यागाची
हे चंदना,
            मुक्त झिजवितोस अंग
            नास्तिकांनाही देतोस सुगंध
            ही किमया तुझ्या दरवळाची
            तूच प्रेरणा दिलीस त्यागाची

                     - शिल्पा मोहिते