सुन्या वाटा

[शिवाजी सांगळे]

सुन्या वाटा

ओढ पंढरीची | आस देवाजीची |
सकल भक्तानां | आराध्याची ||

सुन्या यंदा वाटा | हरवल्या आशा |
झाकोळल्या दिशा | भोवताली ||

मृदंग तो गप्प | झाला टाळ मुका |
केशरी पताका | स्तब्ध झाली ||

काळजी भक्तांची | प्रत्यक्ष विठूला |
त्या चंद्रभागेला | लागली बा ||

हिरावला गेला | सुखाचा हा ठेवा |
जाणतो तु देवा | आत्म भाव ||

चुकावी का वारी | प्रश्न भक्ता मनी |
पांडुरंग ज्ञानी | शिवा म्हणे ||

©शिवाजी सांगळे 🦋
संपर्क: +९१ ९५४५९७६५८९