माझी मायमराठी माती

[Prashant Jain]

माझी मायमराठी माती

माझी मायमराठी माती
मनामनात रुजली प्रेमाचीं नाती
सह्याद्रीचे कडे गर्जती
कृष्णा गोदा इथे वाहती

इथे नाही धर्म जात पात
प्रत्येकाच्या मनात माणुसकीच नात
गर्वगाणं गाती मायमराठीचे एकसुरात
अभिमान मायमराठीचा सर्वांच्या उराउरात

इथे झाडे वेलींवर फुलें फुलती
रानावनात पक्षी डोलती
हिरवाईने नटली सारी डोंगरमाळ
रम्य असे इथे सांजसकाळ

देहू आळंदी इथे अनेक तीर्थ
प्रेमं आणि मानवता सर्वांचा भावार्थ
संतसंप्रदायाचा असे थोर वारसा
ज्ञानेश्वरी,  तुकाराम गाथा शिकवणीचा आरसा

या मातीत जन्मलें अनेक वीर
हिंदवी स्वराज्य घडविणारें शिवबा ते थोर
समयप्रसंगी वीरांनी दिले प्राणांचे बलिदान
दिल्लीचेही तख्त राखिले याचा अभिमान

मायमराठीचे किती करावे गुणगान
शब्द ही कमी पडावे अशी गुणांची खान
हिच्यापुढे देवलोकीचा स्वर्ग ही फिका पडावा
या मातीत जन्म घेण्याचा योग सदा घडावा


कवी – प्रशांत जैन,
           शेवगांव,  अहमदनगर,
            M -9321931008.