वस्तूंचे अवयव

[Jyotiraj]

 नारळा नसे दृष्टी
जरी असे नयन
       कान असे कपाला
       परी नसे श्रवण

खुर्ची हलते डूलते
पण हलत नाही हात
        कधीच नाही घासत
        कंगवा आपले दात

तोंड असे बाटलीला
पण नाही खाता येत
         नाक असते सुईला
         पण श्वास नाही घेत

चालत नाही टेबल
असून चार चार पाय
            अजबच सारे सारे
            गोगलगाय चे पोटात पाय

दात नाही तोंड नाही तरी
नवीन जोडा चावतो हमखास
        जरी नसे हे अवयव वस्तूंचे, तरी
        असे सगळं - सगळंच  खास
डॉ. राजेंद्र पोहाणे