बरसल्या आनंदसरी

[Shilpa Mohite]

पुष्प ११ वे
           बरसल्या आनंदसरी


बरसल्या आनंदसरी
पसरला सुखद गारवा अंतरी
सरली ग्रीष्माची काहीली
तन-मने सारी सुखावली
प्रतिक्षा चातकाची संपली
पसरल्या आनंदलहरी
        धरती हलकेच शहारली
        ओली माती गंधाळली
        टप-टप नुपूरे झंकारली
        जणू मनमयूर  नर्तन करी
राने-वने हर्षली
पाने-फुले तरारली
सतेज हिरव्या कांतीने नटली
जणू नववधू श्नुंगार करी
          शेतकरी सुखावला
          वारकरी आनंदला
          सुखावली मायमाऊली
          माळरानी वाजली बासरी
                     
                    -शिल्पा मोहिते